***ফেচবুক ইত্যাদি***
ফেচবুকত বহুদিনৰ পৰাই আছো যদিও
পিছলৈকে আমনি লাগিব ধৰিলে । শুনিছিলো “অসমীয়াত কথা বতৰা” গোটৰ কথা । এই গোটত থকা
সমাজৰ অগণন সুপ্ৰতিস্থিত সকলৰ লগত এই নিঃকিনৰ অৱস্থান (লিখা-মেলা সংক্ৰান্তীয়)
সম্পৰ্কে সন্দিহান হোৱাত গোটত সোমাবলৈ মন কৰা নাছিলো । পিছলৈ মন সলনি হোৱাত এনে
ধৰনৰ দুটা গোটত (ইয়াৰে এটা “অসমীয়াত কথা বতৰা”) সোমাবলৈ অনুৰোধ কৰিলো আৰু লগে লগে
সদস্য হৈ পৰিলো । এতিয়া কথা হল- একো নকৰাকৈ এনেয়ে গোটৰ সদস্য হৈ নিজে নিজৰ ওচৰত
হাহিঁয়াতৰ পাত্ৰ হৈ থাকিম নে ভাগো লম ইয়াতে । গতিকে প্ৰথমবাৰৰ বাবে নিজৰ অনুভৱৰ
বিষয়ে লিখি এই গোটটোত এটা টোকা Post কৰিলো । মই ভবাই নাছিলো যে মোৰ নিজৰ অনুভৱটোৰ ওপৰত অইন
কোনোবাই মন্তব্য দিব । সচাকৈয়ে মনটো ভৰি পৰিল । যি হওঁক মোৰ লিখাত পঢ়িবলগীয়া কিবা
পাইছে আৰু যে অসমীয়াত লিখিব পাৰিছো। সাহস গোটাই আৰু দুটামান Post কৰিলো । লগতে মাজে
সময়ে দিয়া মন্তব্য বোৰ আছেই । (এই কথাখিনিৰ
গূৰুত্ব এইবাবেই যে ইয়াত গোটেইবোৰ অসমীয়াত
লিখা হয় )। ভাল লগা কথা এইটোৱেই যে এইসকলৰ মাজত
মোৰ চিনাকী নাম বোৰো আছিল, যিবোৰৰ লিখা-মেলা বোৰ বিভিন্ন মাধ্যমৰ যোগেদি প্ৰায়ে
পঢ়িবলৈ পাওঁ ।
মোৰ এই অনুভব
খিনি ব্যক্ত কৰাৰ প্ৰধান কাৰন হৈছে-
আমি কেতিয়াওঁ নিজৰ ভাষাটোত
লিখিব নোৱাৰিম বুলি হীনমন্যতাত ভুগিব নালাগে, চেষ্টা কৰিলে সচাকৈয়ে পাৰি । আমিয়ে
যদি নিজৰ অসমীয়া ভাষা টোত লিখা-মেলা নকৰো কোনে কৰিব । এই কামৰ বাবে “অসমীয়া কথা
বতৰা” গোট এটা সৰ্ব্বোত্তম মাধ্যম । অভিজ্ঞতাৰ পৰা কৈছো নতুনকৈ লিখা-মেলাৰ ইচ্ছা
থকা সকলৰ বাবে নিজৰ মনৰ ভাব প্ৰকাশ কৰি লিখাটোৱেই হৈছে অসমীয়া লিখাৰ বাবে এটা উত্তম
পন্থা ।
বানান ভুলৰ সংশয় ৰোধ কৰিবৰ বাবে
“অসমীয়া অভিধান” চোৱাটো হয়টো এক অভ্যাসত পৰিনত হব পাৰে । (মোৰ নিচিনা নতুনৰ বাবে
হয়টো এয়া এতিয়াও অভ্যাস হৈ উঠা নাই কিয়নো অসমীয়াত লিখা-মেলাতে এতিয়ালৈকে পাকৈত হৈ
উঠা নাই । ক’তনো আৰু বানানৰ বাবে “অসমীয়া অভিধান” চাই থাকিম । (হওতে এইটো এটা লাজৰ
কথাই । বৰ্তমানটোত লাজটো একাষৰীয়াকৈ থলো, পিছলৈ আপোনালোকৰ গালি-শপনি বোৰ খাম দিয়ক
।)
ফেসবুকত হোৱাই নোহোৱাই ছবি বোৰ Post কৰি Like বোৰ লৈ
থকাতকৈ নিজৰ ভাষাটোত কিবা এটা লিখি বা পঢ়ি বেছিকৈ আনন্দ পোৱা যায় ।
আমি হয়তো ইয়াৰ বেছিখিনিয়ে স্কুলত অসমীয়া মাধ্যমত
পঢ়া-শুনা কৰা, কিন্তু পিছৰ পৰ্যায়ত ইংৰাজী ভাষা অহাত লিখিবৰ বাবে নিজৰ ভাষাটো এলাগী হৈ পৰে । গতিকে বহুতে প্ৰতিভা থকা স্বত্তেও অসমীয়াত নিলিখে,
ইংৰাজী ভাষাটো লিখিবৰ বাবে সহজবোধ কৰে (মই নিজে কেইজনমানৰ কথা জানো) ।
আৰু এই আটাইবোৰ কথা-কান্ডৰ বাবে
“অসমীয়া কথা বতৰা” গোট এটা উপযুক্ত মাধ্যম ।
এতিয়া মনলৈ অহা খিনিয়ে আনিলো, লিখিবৰ সুবিধা দিয়াৰ বাবে “অসমীয়া কথা বতৰা”
গোট আৰু আপোনালোক আটাইলৈকে ধন্যবাদ ।
Comments
Post a Comment