আগৰ দিনবোৰ (অনুভৱ)

আগৰ দিনবোৰ

মোৰ ছোৱালীৰ কিতাপ কিনোতে পুৰণি কথা এটাই মনটো আকুল কৰি পেলালে । আমি আমাৰ সময়ত বাছত উঠি দেউতাৰ লগত স্কুলৰ নতুন কিতাপ কিনিবলৈ পানবজাৰলৈ গৈ দোকানে দোকানে ঘূৰিছিলো, কি যে স্ফুৰ্তিৰ দিন আছিল । খমখমীয়া খাকী কাগজত বগা সূতাৰে বান্ধি দিয়া কিতাপবোৰ লৈ আপোনপাহৰা হৈ গোন্ধ লৈ থাকো । ঘৰত দেউতাই “ছোভিয়েট দেশ” আলোচনীখনৰ কাগজেৰে ধুনীয়াকৈ কিতাপবোৰৰ COVER তৈয়াৰ কৰি দিয়ে ।(আমি চৰকাৰী স্কুলত পঢ়িছিলো)

কিন্তূ আজি

স্কুলৰ নতুন কিতাপ কিনিবলৈ নিৰ্দিষ্ট দোকান থাকে । নিৰ্দিষ্ট সময় আৰু তাৰিখত শাৰী পাতি প্লাষ্টিকৰ বেগত আগতে তৈয়াৰ কৰি থোৱা টোপোলাটো টকা দি লৈ আহিব লাগে । ঘৰত COVER ROLL (TRANSPARENT, KHAKEE etc.)ৰে কিনা LABEL লগাই ছোৱালীক কিতপ-বহিবোৰ ঠিক কৰি দিও । (অৱেশ্যে ছোৱালী বেচৰকাৰী স্কুলত পঢ়ে)

ক’ত সেই কিতাপ কিনিবলৈ পানবজাৰলৈ গৈ দোকানে দোকানে ঘূৰা দিনবোৰ, বগা সুতাবোৰ, কিতাপ বন্ধা খাকী কাগজ । মোৰ ছোৱালীজনীলৈ সচাকৈ বেয়া লাগে ।
======================================================= 
দিগন্ত যাদৱ শৰ্মা